كلما أخدت قلمي، يجالسني حزن من السماء و فرح من الجبال، بدأت أكتب و كلما أفكر بما سأكتبه أحس بروحي يصرخ من شدة الضغظ و التفكير لما سيحدت يوما أو غدا، فعلا غابت عني حقيقة و عقلي في ناعورة الشك، أشك و أشكك. في سويعات غاب العقل عني، مسافر عبر الذكريات، ذهب مستغرقا ، بعيداً عن الواقع ، في أحضان قهوة اللاوعي أنا جالس بلا سجارة، يا ملهمتي، يا قصيدتي، لقد
غابت عني الحقيقة و أنا أحاول إستحضارها
وقع قلمي بين سطور و أبيات و قوافي مبعثرة و في محطة الإلهام أنتظر رسالة منك ترجعني إلى وعيي، أيتها القصيدة أراك معصومة لا تحبين الكلام، في و جهك أرى القوافي تكتب تربعت في وجنتيك و من حولك بحر عروضي يرقص رقصة العصر، و أنا حائر و طائش في سطح قصر ي العتيق المرصوف بالصلصال و المزركش بالمعدن و النحاس أغازل المثالية و أدون القصيدة الفاضلة ها أنا هنا و معي بيت, يا سيدتي, و أبدأها بكلامي المنسق البطيء و عبر دقات قلبي إنطلق كالرعد يحاكي نسق حبي، و لكن في حضرة الأحاسيس شوق يدفعني لأراك تتحدتين عن غياب الشمس من كوكبي ، كوكب الحب بل كوكب العشاق، أنا الآن فوق صومعة الانتظار، كلمات تتبعني، تتربص بي، تفترس فكري و تتحسسني لتخويفي و كبح مشاعري و روحي الوفي لك، يا عشاق حبيبتي، إقتلوني، خديجة هي روحي فإن غابت فأنا ميت، أحبها أكثر من أمها و أبيها. يا عشاق حبيبتي، لا تقتلوني، حبيبتي هي خديجة تلك الفتاة الحسناء الجميلة في عيوني.
وقلت :
يا عشاق حبيبتي،
أنا يا سدات العشق و الغرام
مغروم بالشمعة السمرة
أنا يا سدات الشان و المقام
حياتي بلابها مرة
ليالي مضوية كلها النجوم
حبيت أنا ݣمرة
بالي فيها و عقلي في تخمام
بلا بها ننسي بخمرة
كاس مورة كاس غير أوهام
شدرت بيا يا مرة
حبيتك و عيشتني فأحلام
غير ونسني مرة مرة
بلا بك منشوف غير ظلام.
يا عشاق حبيبتي، و قلت لها :
لْيُومْ أَناَ جَايْ نْحْكِي لِيكْ الشُوقْ
نْكْتَبْ لِيكْ شُو صَارْ يُومْ لْفْرَاقْ
أَنَا حَلْفْ مَا نْحَبْ عَمَّرْنِي نْعْشَقْ
أَنَا جَبْتْ لِيكْ قَلْبِي المَحْرُوقْ
فُوقْ لْمَجْمَرْ شْوِتٍيهْ وَ بِالنِّفاَقْ
دْفَنْتِهْ، عَمَّرْنِي نْحَبْ،َ عَمَّرْنِي نْتِيقْ،
كْلاَمِي َراه ْمَنْ القَلْبْ بْلاَ الزْوَاقْ
اَنَا رَاهْ بْلْسَانِي وَ بْعَقْلِي كَنْنْطَقْ
رَبِّي لِعَرْفْ، هُوَ لِعًنْدُْو الرَزْقِْ
أَنَا مَجِيتْشْ لِيكْ، مَبْغِيتْشْ نْتْقَلَّقْ
أَنَا غِيرْ دَيْزْ فِي جَنْبّْ الطْرِيقْ
وَ أَنَا نْتْفَكَّرْ ايَامْ حُّبْنَا المَسْرُوقْ
أَنَا غِيرْ دَيْزْ مَتْوَقْفِيشْ غِيرْ سَيَّقْ
خْلِّينِي نْدُوزْ، قَلْبِي كَيْتْخْنَقْ،
نْتِي لِّبَعْتِي رَاسْكْ فْالسُوقْ
عْلَى وَدْ المَالْ رَدِّتِنِي مُعَاقْ،
أَنَا لْمَاضِي سْجَنْتُ فْالصَنْدُوقْ
كُنْتِ جَمَالْ وَ حَيَاةْ عَمْرَ بْالدُّوقْ
الْيُومْ رَاكْ غِيرْ سَنْسْلَة بْلاَ عْقِيقْ
كَتَلْبَسْ فْلِّيلْ وَ مْلْيُوحَة فِي الفَنَادِقْ،
سَمْعِي وَ عْتَبْرِي كْلَامِي غِيرْ حْزَاقْ،
أَوْ كِرِّيحْ خَرْجْ بِينْ حِيطْ مَشْقُوقْ
أًنَا غِيرْ دَيْزْ مَتْوَقْفِيشْ غِيرْ سَيَّقْ،
عْتَبْرٍنِي كِقْهْوَة كْحْلَة شْرَبْتِهاَ فْلَبْرِيقْ
أَنَا مَجِيتْشْ نْعَوْدْ لِيكْ فْالْمَنْطِقْ
أَنَا لِكْفَرْتْ بْذُلْ وَ رْدِتِنِي زِنْدِيقْ
حِيتْ مَرْضِيتْشْ نْدِيكْ بلَا صْدَاقْ
وَنْضْحَكْ عْلِيكْ وَ نْعْلَنْ الطْلاَقْ
حِيتَاشْ أَنَا خَايْفْ مَنْ الخَالِقْ
غِيرْ سَمْعِينِي، َأًنَا مَاَشِي زِئْبَقْ
مَنْهْرَبْشْ مَنْتْخَبَّاشْ غِيرْ سَيَّقْ
لَا تْخَفِي، أًنَا مَنْطٍيحْ وَ مَنْزْلَقْ
مُرَيَا خْبٍّيتْ حُبْ كْبِيرْ مَنْ فُوقْ
كَيْنْ الْكْبِيرْ هُوَ لِعَرْفْ حَقْ لْعْرَقْ
لٍضَيَّعْتُو عْلَى وُدْ حُبْنَا وَ فْلَعْرُوقْ
كُنْتِ تْجْرٍي وَ لْيُومْ جَبْتْ لِفْتِيقْ
إٍعَوْدْ لِيكْ لْهَمْ لِيهَزْ وً الضِيقْ
لٍّي فْرُوحِي، رَاسٍي عَمْرْ طَرْطِيقْ
وَ صْدَاعْ ضَحْكَتْكْ الصَفْرَا كَتْبْزَقْ
فْسْمَايَا وَ أَنَا نْحَسْ بْقٍيمْتٍي كَتْسْرَقْ
نْدَمْنَا عْلَى كُلّْ شِيء كُنْتْ مُرَاهِيقْ
لٍدَتُو لْوْقْتْ وَ زْهُو أََنَاغِيرْ كًنَْتْ عَاشِقْ
نْحَبَّكْ تْكُونِ بْجَنْبِي نْدِرْكْ دِيمَا لْفُوقْ
مَيْهَمْنَاشْ يَكْفِينَا غْدَا بًلْبِيضْ المَسْلُوقْ
وَلَكِنْ غِيرْ كَاَنْتْ حَلْمَة دَيْزَة مَتْلِيقْ
لْوَاقِيْع لِنْتِي فِيهْ زَاهْيَة، لْفْرَاقْ، لْفْرَاقْ
سَهْلْ، غِيرْ مَتْحَبْسِيشْ غِيرْ سَيَّقْ،
أَنَا غِيرْ دَيْزْ نْقْضِي غَرَضْ فْالسُوقْ
نْبِعْكْ بْالرْخِيصْ وَ نْشْرِي الّبُرَاقْ
اإِدِينِي لْبْعِيدْ، كِي نْكْتَبْ كِي نْسْرَفَقْ،
مَتْبْكِيشْ أَناَ مَجِيتْشْ تَغْضْبِ وَ نْتْقَلَقْ
أَنَا غِيرْ دَيْزْ مَتْوَقْفٍيشْ غِيرْ سَيَّقْ،
عْتَبْرِي هَادْ لْكْلاَمْ مْنْ مَعْتُوهْ حْمَقْ..
لْيُومْ أَناَ جَايْ نْحْكِي لِيكْ الشُوقْ
نْكْتَبْ لِيكْ شُو صَارْ يُومْ لْفْرَاقْ
أَنَا حَلْفْ مَا نْحَبْ عَمَّرْنِي نْعْشَقْ
كُنْتِ حْشُومِيَة وَ أُنُوثَة بْأَخْلاَقْ،
كُلْ يُومْ قْدَامْ بَابْ دَارْكُمْ نْدَقْ
كِنْسْمَعْ هْدْرَة وْ كْلَامْ مَنَّكْ كَيْحَلَّقْ
وَ نْوَلِي تَبْعَكْ فْحَالْ شِي بِطْرِيقْ
لْعْجَاجْ قْدَّمِي تْبَدَّلْ وَ لَّا صَوَاعِقْ
وَ أَنَا نْخَمَّمْ فِي حْيَاْتْنَا وَ أَفَاقْ
قْدَّامِي بِيبَانْ كُلْ شِيء مْغْلُوقْ
بسم الله، قل أعود بربي الفَلَقْ
من شر ما خلق. عمرني نْتيِقْ
لْيُومْ أَناَ جَايْ نْحْكِي لِيكْ الشُوقْ
نْكْتَبْ لِيكْ شُو صَارْ يُومْ لْفْرَاقْ
أَنَا حَلْفْ مَا نْحَبْ عَمَّرْنِي نْعْشَقْ
أَنَا جَبْتْ لِيكْ قَلْبِي المَحْرُوقْ
يَا اِنْسَانَة، خَصَكْ تْعَرْفِي الفَرْقْ
بِينْ الشَرِي وَ بِينْ المُوثِّقْ
بِينْ رَئِيسْ لْجَمْعِيَة وَ مُنْسِيقْ
بِينْ الكَرْشْ لْغْلِيضْ وَ الرْقِيقْ
بِينِي وْ بِينْكْ حِيطْ عَثٍيقْ
سُكْنِي فَالْغَرْبْ أَنَا فْالشَرْقْ
لْيُومْ أَناَ جَايْ نْحْكِي لِيكْ الشُوقْ
نْكْتَبْ لِيكْ شُو صَارْ يُومْ لْفْرَاقْ
أَنَا حَلْفْ مَا نْحَبْ عَمَّرْنِي نْعْشَقْ.
السعيد منصوري – قلعة مݣونة
اترك تعليقا