فيه ناس تِسْمَعك بروحها
دون أنْ تلقى عليها سلام..!
وتتمنّى
لو تِصْغ لحروف
مخنوقة بَيْن ضلوعها
ولا مِنْها تِمِلّ كَلام..!
،،،،،
وفيه ناس
تِتْمَنّى لو تشوفها
شايْلاها أحْلام
وهِىَّ صاحيْة ولا بتنام..!
وتشوفك تِخَبّى جروحها
وإنْت بروحها مِشْ شايْفها
أو خايْف تشوفها..؟
وغَصْب عَنّك
عِينك فى عِينها
وقلبك يقولّك حَرَام..!
ولمّا تِصَدّق بوحها
تِسْرَقها مِنّك الأيّام..!
،،،،،
وناس.. وناس.. وناس
دُنْيا وماشيْة
ليه نِضَيّعها
فى عِتاب ومَلام..!
ولا نِرضى برِزْق رَبّ
مِغَرّقنا بأكْتَر مِنْ حُبّ
ونروح جَنّة أوْهَام..!
….
اترك تعليقا